MAKIINADAHA-CASRIGAA IYO MURUQ-MAALKA MUQDISHO

DABAQAD HOOSE IYO DABAQAD SARE

Dalka Soomaliya malahan Dawlad is-waa-fajisa danaha kala duwan ee Dadka shacabka, danaha shacabku waxay u kala duwan yihiin qaabab badan, Dawladaha Aduunku maanta waxay si aad ah ula dagaalamaan in ay abuuranto xalad dabaqad sare iyo dabaqad hoose, taasoo haday abuuranto keenta cawaaqib aan la mahadin. Soomaaliya waa Dal ay san ka jirin Dawlad daryeesha Dadka tabarta daran, Dadka ladan majirto cid canshuurka qaadda si loogu celiyo looguna caawiyo kuwa danta yare aan waxba haysan, si xitaa laysugu dayo in cilmi ahaan laysga daba dhawaado. Soomaaliya Dadka danta yar cuduradda ayaa cidlaysta hadaan Alle u bixin iimaan qabe wax haysta, Gaajaddu sidoo kale Dan-yarta way daashataa, Dad Soomalidaa sida ay u badan yihiin wax barasho fursad uma aysan helin, waxay ahaayeen xamaalato muruqmaal ah, waxaan suuqa Bakaaro ku arkay oday waayeel ah oo dusha ku xamaalanaya, marka uu socdo ul cuskanaya, dharbarkiisa ayuu ugu xamaalaa caruur yar yar si ay u moodaan maalintaas iyo habeenkeedda, yaanan ka tegin Okiyaal ayuu xiran yahay. Bal qiyaas adugu sideed u aragtaa nolosha qoyskaas?

Ganacsato isugu jira Soomaali iyo ajaaniib ayaa la yimid qalab si-waa-faqsan dan tooda iyo dhaqaalahoodda, qalabku wuxuu kordhinayaa wax soo saarka, waqtiga ayuu dhaqaalaynaya, si fududna wuxuu u qabanayaa hawshii ay qaban jireen muruq-maalka Muqdisho, toloow xoogsataddii xagay qabteen?!!. Muruq-maalkii Muqdisho waybalan baleen, wayna niyad jabeen way quus gooyeen, maanta waxay u baahan yihiin Allahood markaas ka dib waxay u baahan yihiin Dawlad daryeesha, ganacsatadu waxay caawin karaan caawinaad kooban oo kama darta layiraa, umase diyaar sannna in ay daryeelaan, ganacsataddu ma qaabayn karaan mana agaasimi karaan daryeel koodda laakiin waxay bixin karaan canshuur iyo taakulayn toos ah.

MUSIIBADA AAN LAGA MAARMIN

Makiinaddo casri ah oo laga dhaxlay teknoloojiyadda ayaa lakeenay Muqdisho, gaar ahaan Dekedda Muqdisho, kambaniyaasha dhismaha, iyo suuqda waaway ee Muqdisho. Qalabka lakeenay waxaa ka mid ah, Qaldooyinka waawayn oo saaran baabuutar ku waasoo qasa shamiintadda, sidoo kale makiinaddii ka qaadaysay shamiintadda shubaysayna Guirigii ama wax walba oo lashubayo, gaar ahaan wadooyinka oo hadda dib-udhis lugu hayo, Dabaqyadda dheerdheer, ku waasoo ay ku baxaan dhaqaale farahabadan, una baahan in ay ka shaqeeyaan shaqaale farabadan. Qalabkaan waxay fariisiyeen oo shaqo tireen kumanaan muruqmaal ah, ku waasoo qasi jiray shamiintadda, qaadijiray, kana hali jiray nolol maalmeed koodda waxaa ku noolaa kumanaan kale, aduguba qiyaas dadka ay saamaysay makiinadaan.

qaldo iyo makiinad shaminto ka dhuuqda

  

  wiishash casri ah ayaa la keenay Dekadda Muqdisho ku waasoo ay keeneen shirkaddo ajaanib ah, waxay qabtaan shaqo aad u farabadan, waxay badbaadiyeen waqti, wax soo saarkana way kordhiyeen, dhanka kale waxay caqabad ku noqdeen dad aan wax aqoona lahayn ee iska xamaalan jiray, badan kood qalabka laftiisa mabaran karaan hadii labaritago. Dekeda waxaa ka shaqayn jiray shaqaale aad ufarabadan, ku waasoo lugu qiyaaso dhawr iyo toban kun, ugu yaraan shankun ayaa daaqadda ka baxay, reera hoodii dabkaa ka demay, ilmahoodii hadayba haysteen wax yar oo wax barashaa maanta meel kuma sheegaan intooda badan, way kala firxadeen ileen qorshe meel uma oo linne, iska caabinna majirine.!!

 

dekadda muqdisho

  Gaarigacan casri ah; waxaa lakeenay gaari Dadka qaar ay u yaqaanaan Dameer habargidir, gaarigaas wuxuu cariiri wayn ku hayaa Dadka ku shaqaysta Gaari-gacanka, iyo Dameeraha oo Soomaliddu si wayn u isticmaasho, ayna u leeyihiin aqoon isticmaal iyo awood abuurasho. Maanta waa ay fududahay in qofku abuurto ama gadto dameer, ama gaari-gacan si uu ugu shaqaysto laakiin Gaari wayn magadan karo, Dameerka, ama gaari-gacan aqoon Ayaan u leenahay waan waddi karnaa cilmi wayna u ma baahna, halka gaarigu u baahan yahay awood gadasho iyo cilmi oo ay san Dadka badankiis lahayn. Gaarigaan wuxuu si degdeg ah u qabtaa shaqooyin badan dan ayaa ku jirta, hadana Dadbadan ayuu nolosha ka riday, waa dhibaato u baahan maarayn dawladeed.

 

dameer habargidir

MURUQ-MAALKA MAANSHOODAY

  Muruq-maalka Muqdisho waxaa soo wajahay waayo adag, waxaa yimid waayo casriya iyo qalab casriya, Dekedda, goobaha dhismaha, iyo suuqda waxaa ka baxay oo ay barabixiyeen qalabkaan casirigaa kumanaan muwaadiniin Soomaali ah, Dekedda waxaa ku shaqo waayay ugu yaraan Shankun oo shaqaalaa, waxaa shaqo tiray qalab ay keensadeen shirkadadha gacanta ku haya Dekedda, sidoo kale goobaha dhismaha waxaa ku shaqo beelay kumanaan shaqaalaa shaqadoodii waxaa qabta makiinaddo-casri ah, ku waasoo cidina canshuur ay san ka qaadin hadii laga qaadana ay san qumanayn waxa laga qaadaa. Dhanka suuqyadda sidoo kale waxaa ku shaqo beelay boqolaal ku xamaalan jiray Dameer iyo gaari gacan ku waasoo ay aheed in laga xadido gaariyaasha, waxaa soo dhan waxaa sababay Duruufihii Dalku soo maray. Majirto cid u jeedda Dadkaas maanta waa lagayaabaa in uu tuugsaddo qof muruqiisa maalijiray.

XALKU SIDA UU IILA MUUQDO

 Mahaleeli karo xalka saxdaa mana ka warhayo arimaha qarsoon ee la xariira maamulka farsamo iyo midka hogaamineed ee arintaan, laakiin waxaan soo jeedinayaa siduu iila muuqdo xal ku meel gaara. Waxaa loo baahan yahay in laga qaado lacago Dadka wax haysta ee kiraysanaya qalabka bedelay muruq-maalkii qaban jiray shaqdaan qalabku qabanayo, sidoo kale; Dadka qalabka iska leh dhaqaale ayaa lasaarayaa. dhaqaalahaas waxaa la marinayaa luguna qaadayaa xeer baarlamaan, waxaanna loo yeelayaa gudi aamina. Dhaqaalahaas waxaa lugu caawinayaa nolosha, gaar ahaan waxbarashadda ubadkii Dadkii muruq-maalka ahaa ee ay saameeyeen qalabkaan casrigaa. Shaqaddaan waxaa qabanaya Dawlad, majirto cidkale oo qaban kartaa maanta waxay u muuqataa inaan la’arkin Dawlad u taagan qabashadda hawshaan, waayo waxaa wali jira duruufihii abuuray xaaladdaan. Waxaa loo baahan yahay in muruq-maalka iyo makiinadaha casrigaa la kala maareeyo, inta wax haystaa Dantooda kaliya ay san ka fakerin ee Dadka muruq-maalkaa laftoodda hoos loo eego, Soomaalidu waa dad Islaam ah oo naxariis badan dadkaas waxay u baahan yihiin turiimo iyo in aan lala dulmarin dhaqaalaha Alle nasiiyay, Teknoloojiyada saamaynteeda taban waa in aan ogaal uyeelanaa.
arintaan uma hayo xalwaara, markii horana inaan xalkeeno wax ogamaan qorayn e ujeedkaygu wuxuu ahaa in aan idin xusuusiyo oo in dhihiina aan ku jeediyo. waa dhibaato hadii dhaqaalaha dalku dad kooban uu ku ekaado, waa dhibaato hadii laysku muquuniyo suuqyada, iyo guud ahaan nolosha ayadoo laga maarmi karo.

Gabangabo:

Soomaaliya maanta waxay u socotaa in Dadku u qaybsamaan Dabaqad-sare iyo Dabaqad-hoose, Dadka haysta dhaqaalaha iyo kuwa cilmiga leh ee la fal-gelikara qalabkaan waxay noqonayaan Dabaqad-sare, Dadka aan waxba haysan cilmigana lahayn, qalabkaanna aan baran Karin waxay noqonayaan Dabaqad-hoose waxayna ka dhacayaan nolosha, kama soo horjeeddo in hormar la sameeyo,waxaan diidanahay in Dadka danyar taa meel cidlaa loogatago. qof walboow arintaan xil iska saar, kala hadal cidwalba oo aad u aragto in ay qusayso, ku baraaruji cidii aan ku baraarug sanayn, kasheeg goob walba oo aad u aragto in ay joogaan cid ka garaabi karta arinkaan, si gooniya waxaan u lahadlayaa Bahda war-baahinta arintaan iyo Dadka ay la xariirto ilgaara ku fiirsha waadba yeesheen markaan kahore. Halkaan kuma wadda xusin dhibaatada muruq-maalku wajaheen laakiin waxaan is leeyahay wax un waadka iftiimisay. Waa inaan yeelanaa siyaasad cad oo is-waa-fajinaysa Dadkeenaan Dunidda ka haray iyo Dunidaan casiragaa, gaar ahaan Tikniloojiyadda maanta iyo Barri.

Address:

cccimaam@gmail.com

https://calicabdalla.blogspot.com 

W/Q: Cabdifataax Cali Cabdalla “IMAAM”

• Tweet
• Share
• Share
• Share
• Share

About Admin MC3

This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.

Related Post

• undefinedundefined
• undefinedundefined
• undefinedundefined
• undefinedundefined