TIRO-BADIDA IYO TAYO-LA'AANTA DHALINYARADDA SOOMAALIYEED ~ CABDIFATAAX CALI CABDALLA "IMAAM"

Soomaalidu waa bulsho da’ayartu aad ugu badan tahay, waa nasiib iyo hadiyad Alle laga helay, mudanna in lugu xamdiyo si ay noogu siyaado, Dhalinyaradda Soomaaliyeed bulshada waxay ka yihiin 75% celcelis ahaan sida ku cad haayada qaramadi midoobay war bixin ay soo saartay. Da’yartu waa hantidda, xoogga waxsoo saar, awoodda difaaca, iyo xildhibaanadda Dalku leeyahay. Gayiga Soomaaliya Guryaha, goobaha cibaadadda, iyo goobaha wax barashaddu waxay laciir-ciirayaan da’yar Soomaaliyeed, halka goobaha go’aangaaris aan lugu arkin dhalinyaro taasoo dhalinyarada ceebku ah, salkana ku haysa mahmaahyadii Soomaaliyeed ee dhahaysay “ninkii seexdaa siciis dib-dhalaa”, dhalinyaro goobahaas cidina inama gaynayso, waa inaan isgaynaa anagu. Dhalinyaraddu malahan wax cod ah iyo wax awood ah taa soo ka dhalatay midnimo la’aanta dhalinyaradda soomaaliyeed.

Ururada dhiilada ku dhisan ee codka dhalinyarada wiiqay:

Dhalinyarada Soomaaliyeed maysan helin Dawlad hagta, hormarisana danahooda, waxaa saamayn wayn ku yeeshay dhibtii iyo duruufihii Dalka ka jiray ee Dawlad la’aanta laga dhaxlay, dhalintu tiro ahaan aad ayay u badanyihiin, laakiin waxaan jirin toyo muuqata oo ay leeyihiin, ayakoo tirabadan in ay san wax tayaalahayn waxaa keenay mid-nimo la’aan, iyo kala tag dhexdoodaa, isbarbar-yaac ayay ku kala maqanyihiin. Maanta dhalinyarada nisiibdaradda haysata waxaa ka mid ah, waxay diideen in ay samaystaan daladwayn oo midaysa ‘hadafkoodda’ iyo Taladooda, ay na ku dhex-tartamaan, lugu barto keenii haldoor ah, iyo midka ku soo xiga ee bedelikara, tartankaas waxa ka soo baxa Dalka danwayn ayaa ugu jirta, waana waxa uu waayay Dalku. Dhalinyaradeenu ma’ogola isu keensiga cududda, aragtida, iyo codka, malahan kala sugasho iyo kaadsi, keebaa inoo mudan hogaaminta!!, tartan iyo xifaaltan waxqabad salka ku haya ayaa loo baahanyahay, qofka ka soo dhexbaxa urur ka kooban kun xubnood iyo deegaanno badan wuxuu ka tayo badan yahay qofka ka soo dhexbaxa urur ka kooban afar istaqaan iyo hal-xaafad. qof walbaa wuxuu rabaa in uu ka bilaabo meesha u saraysa, tartan ma’ogalin, iskuma kalsoonin, tartanka Ayaan ka wada dhuumanaynaa, waxaan hareer maraynaa tartankii wax dhisayay oo ah mid adag, waxaan raadinaynaa meelo jilacsan. Kabilaabidda meesha ugu saraysa, qofku wuxuu ku heli karaa waa in uu samaysto urur u gaar ah ee asagu leeyahay, halkaas ayay ka timid daciif nimadda keentay tayo la’aanta!, sidaas ayay ururradii ku noqdeen afar is taqaan iyo urur-yaroon meel gaarin, tabartiisuna ku egtahay falaash afar sawir ku jirto, sawiradaasoo labo beentahay, labada kalana micnawayn aanay lahayn, waa intay awoodaan falaash kaa su. Munaasabadaha iyo kulamadda muhimka u ahaan lahaa haday dhalintu la yimaadaan wax macina leh, (waa isku duubnaan e), waxaan la nimaadnaa waxaan u adeegayn danaheenna ee u adeegaya cidwalba ee dani ugu jirto fawadada, waxaan la nimaad Qiiro Been ah, xiiso aan xal ku jirin, xamaasad xadidan kuna siman munaasabaddaas, iyo qab-yari, Urur walbaa wuxuu guul wayn ku tilmaamaa markii falaashka ay wataan ajaaniibta halkaas timaad la fiiriyaan, Businesscards na ka soo aruursanno Dad wax nooga soo kordhaya aan la arkin, guusha aan raadinayaanno waa taas un, wax nooga danbeeyaa oo qorshaa majiro. Waxay aheed inaan ka fakerno wax ka wayn intaas, waxay aheed in aanan ku qancin waxa aan mudanahay wax aan ahayn, qabkeenu wuu jaban yahay, kornooma hayn karo qabkeennu!!. Midnimadda alle ayaa dhigay miiqaam sare, waana na laaka reebay kalatagga waana nalookaga digay, mirihii kala tagga Ayaan guranaynaa hadda. Dani nooguma jirto in aan ka sacbinno xafladaha nugu magacaaban ee aanan anugu dhigan ee la dhigtay, sidda 12ka August, niyaddeenu way fiicantahay, laabteenuna way xaarantahay, laakiin garashaddeenu way gaabantahay, gaabis ka na waxaa ku riday Gar-madoowda naga horaysa eel ay dhigeen, Dal waxaan ka dhaxalnay Dawladdu daciiftahay. Dhalinyaro baraarugga, dhiimiya dhugtiinna, dheefsada dhulkiinna dhaxal Aabe weeyaan, dhawr aan u dhalanoo dhulshisheeya katimidbaa dheefsanaysa maanta.

GU-GACA MAANKA DHALINYARADDA:

Dhalinyaradda soomaaliyeed maskaxdoodu way curatee yay qayoonin, maanka dhalinyaradda wuu wadda guuxayaa, haladoogto. maanta qofkii dhalinyaro ah oo aad la sheekaysato aad ayaad u la dhacaysaa sidda uu u fekerayo, iyo meesha uu ka fekerayo hadana ficiladddu mafiicna waxaan kala jeeddaa sida ay rabaan in ay ku gaaraan maahan sidii sax daaheed ee larabay in ay ku gaaraan, himiladdeenu way qayirantahay hiigsigeenuse wuu sareeyaa, waxaan u baahannahay in aan himladdeena qayaxno si aan u gaarno hiigsingeenna, waxaad arkaysaa dhalrinyaro isku abaabulaya sidii ay u samayn la haayeen samo-fal, tusaale ahaan waa Taban dhalinyaro ah, arday ah, ku tiirsan gacan cid kale, is la markaas waxay doonayaan in ay kafaalo qaadaan waxbarasahdda 100 dhalinyaro Soomaaliyeed, waa arin fiican, laakiin mala yeelikaraa haddii layeelo muddo intee in la eg lasii waddi karaa?, Hiigsigu wuu fiican yahay, laakiin wadda loo marayo ayaa qaldan. haddii tabonkooddu is kugu tagaan hal-qof way awoodaan, barrina mid kale ayay ku dari karaan ilaa ay ka gaaraan kumanaan.

Ururadda dhalinyaradda ee maanta jiraa waxay ku dhisan yihiin sidda ay u badan yihiin labo qaab, 1) dhalasho wadaag: 2) Degaan wadaag, way fiicantahay oo maxuma laakiin waa in ay midoobaan ururaddu dhamaan, si ay tirabadiddu micne u samayso, si ay saamayn uyeeshaan, cudud muuqatana u noqdaan, sida kaliya ee aan ku saamayn karno cid kale waa midnimo, markaan midoowno waxaan go’aaminkarnaa masiirkeenna, waxaan wax ka badeli karnaa sidda hadda wax ku socdaan oo ah in aan ka sacabtunno kaliya xafladaha dhalinyaradda kumagacaaban ee mashruucaa, lana hareermariyay meeshaylahaayeen, maahan in nalaaku camiro kuraasta xaflado aan waxba dan’ah noogu jirin. hadaanan daladwayn ku midayn ururadaan tiradabadan, hadaanaan daladwayn ee dhalintu ku midaysantahay ku dhextartamin anagoo isku qadarinayna waxqabad iyo sida loo soo kala horeeyay, hadaanaan ogolaan in aan waqti hurno anagoo iska daynayna kabilaabidda mesha ugu saraysa waxba tarimayso ku soo booddu. Marka la helo urur dhalinyaro ee ku baahsan dhamaan Dalka dhalinyaraduna u simantahay, mansabkuna meerto yahay, marka aan qofka ku xulanno maxaad gashaa ee haybta mamnuucno, waxaan qaabayn doonaa masiirkeenna, awooodeenu way muuqan, Taraddeenu way miro dhali, tayaddenana way tusmayn.

Gabangabo:

Awood dhalinyaroo midaysan ayaa loo baahan yahay si loo helo waxtarka tiradda dhalinyaradda ee loo baahanyahay, ururadda dhalinyaradda ee ka jira Dalka waa in lamideeyaa, hadaan dhamaantood la midayn Karin waa in loo mideeyaa si gobol-gobol, iyo degmo-degmo ah, mid-nimaddeenna waxaa ku xiran isbedelka Dalka iyo Dadka, “gole dhalinyaro Qaran” oo aan ku midaysan nahay ayaa qiimaheenna muujinkara, golahaas hadaanan anagu dhisan ee qolo kale noodhisto waanku sii qiima beelaynaa, dhalinyaro yaan layska qiiraysnaan Guryahana layska la fadhin qiiradda ficil halugu daro, yaan sugaynaa in ay nadhisaan?. Gobolaysigu yuu na kala xirin, hala yeesho hanka sareeya Hal-gobol, iyo hal-qabiil qaran hala majeersaddo. Dhalinyaradda Soomaaliyeed ma dagaashanna, midnimaddeenna maxaa diidan? Qof kasta haysi saaro masuuliyad aan midoowno, laysma aaminikaro qiil maahan, in aad qiyaano la kulanto in aad tirtiranto ayaa ka daran, allahaaga talo saaro.

W/T: Cabdifataax Cali Cabadalla.

Address:

www.facebook.com/cccimaam

Twitter; @mowaadin

About Admin MC3

This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.