Salaaddu
waa rugniga labaad e arkaanta Islaamka, waa waxa koowaad e lagaa xisaabin doono
maalinka qiyaamaha. Dhaqanka Islaamku waa dhaqan u baahan barasho, maahan wax
ay ku filan tahay ama lugu haleelikaro bowsi. Dhamaantayadda waxaan ognahay
sidda dhalinyaradeennu kuyihiin salaadda arimahaas iyo dhibtoodda ayaan wax yar
ku faaqiddi doonaa maqaalkaan kooban.
Salaadu
waxay leedahay arkaan ay ku ansaxdo, waxay leedahay waxyaabo buriya, haleeya.
Meelbay ka bilaabataa meelayna ku egtahay. Salaaddu waxay u baahan tahay in loo
xeraysto loona qasdo barashaddeeda. Sidda aan u badannahay cibaadadda waan
bowsannaa, is-moodsiinaa oo qiyaasannaa. Cilmigu wuxu u kala baxaa waa jib iyo
sunno, cilmiga midka waajibkaa qofkasta wuxuu ku yahay waajib, maahan wax ku
haboon in la mala awaallo, lana bawsaddo. Cilmiga sunnaha waxaa kaa kaafiya
haday jiraan deegaanka aadku nooshahay dad kale ee bartay barashaddiisu waajib
maahan.
Dhalinyaro
aan is waydiinno qof walba iyo naftiisu hasheekaysteen, is waydii horta cilmiga
salaadda ma boowsatay mise waad baratay oo shiiqaad u hor fariisatay? Haday
kuusoo baxdo jawaab ah waan boowsaday oo waan qiyaastay kawaram haddii adoo
sodon sano tukanayay markii aad maalinka qiyaamaha is taagto Alle hortiis wixii
salaad aad tukanaysay wajiga lagaaga dhufto luguguna celiyo!! Soo tacab
qasaaray maahan maxay kaa dhibaysaa hadaad hadda jilibka u laabto oo aad barato
salaadda iyo cilmiga waajibkaa oo dhan, sidda salaadda, soonka, sakadda,
qubayska waajibkaa, iyo dhamaan cibaadaadka waajibkaa. Waxaa dhibaatto ka
taagan tahay in dhalinyaradda qubaysku qubays un u yahay oo aanu u kala
duwanayn. Qubaysku wuu kala duwan yahay qubayska janaabadda looga qubaysanayo
lamid maahan qubayska aadka qubaysanayso boorka Xamar, aan baranno aanan iska
sugno qubayska dahaarasho qaadashadda ee janaabadda anagoo waafaqayna sidda
shareecaddeennu jidaysay.
KIISALAADIISA
XUMAYNAYAY
Salaadda
markaan xiranno ayaa miyir noogu danbaysa, faataxadddu waa nugu duubantahay,
farataag taaga kalana waa iska caaddo. Hadba dhinac milicsigu kama marna
salaaddeenna. sidda diiqii ayaan gawda gelinnaa salaadda. Salaadda arkaan
teedda waxaa ka mid ah xasil. Waxaa lagaa rabaa in aad ku xasisho rukuucda,
istaaga udhexeeya rukuucda iyo sujuudda, sujuudda, iyo fadhiga u dhexeeya laba
sujuudood. Nabigeenna NNKH wuxuu arkay nin tukaday markaa buu ku yiri tuko ma
aadan tukanne, ninkii wuu ku laabtay, wuuka faaruqay salaaddii. Wuxuu ku yiri
haddana tuko ma aadan tukanne, illaa markii danbe uu yiri ninkii Nabi Alloow
intaasaan aqaannaa. U fiirso ninkaas saxaabigaa sujuud kama tagin, rukuuc kama
tagin, wax kalana kama tegin kaliya salaadda ayuu san ku xasilayn. Nabigu NNKH
saxaabigii wuxuu u baray salaadda siddii ay aheed siyuu xasilka salaadda usugo.
Xasilka salaadda ayaan oga socdaye markaan rukuucno, aan sugno rukuucda, marka
aan rukuucda kalaabanno aan gaarno istaaga illaa aan u ekaano wax taagan.
Sujuudda aan sugno ayadana, sidda diiqii yaan la gaawin waa sidda aan
ubadanahaye. Fadhiga u dhexeeya labadda sujuudoodna sidoo kale waxaa loo baahan
yahay sugnaan iyo xasilooni salaadeed. Afar meel ayaa lagaa rabaa xasil,
rucuukda, istaagga ka danbeey, sujuudda, iyo fadhiga suguudda ka danbeeya.
DIB-U-DHIGISTA
IYO DAYACAADDA SALAADDA
Alle
wuxuu aayad quraanna kuleeyahay “halaag wuxuu u sugnaatay kuwa salaaddooda
hilmaansan”. Ogaaw waxa laga hadlayaa waa qofka salaadda aan sii nayn himadda
iyo mudnaanta e tukanaya xiligii uu rabo dayacanna. Dadka aan jameecadda
asiibayn ayaa laga hadlayaa. Aan is waydiinno meeqa salaadood ayaan malinkii ku
tukannaa jameecadda, sidee jameecadda oga fekernaa, mise waaba iska
hilmaansanahay. Alle wuxuu jecel yahay salaadda waqtigeedda la ooggo. Alle
majecela waqtiga lanacay, waqtiga nugu baaray, saan u danaysanayno ayaan
tukannaa markaan wax aan qabanno wayno. marka aan dhamayno shaqooyinka ee xaafiisyadda
la xirayo ayaan tukannaa waliba waxaanku tukannaa meelo aan u qalmin, meelo
cariiriya, waxaan u tukannaa qaabkii aan sheegaynay e ninkii salaadiisa
halaynayay, waan dhugdhugaynnaa! Alloow nabadbaaddi adaa badbaadda leh e’. Aan
isku dayno in aan kutukanno jameecadda, watiga la nacay aan Alle kadayno
aayadahaas quraan iy Axaadiithtaas sare ku xusan wax dhegaha laga furaysto
kawan dhalinyaro. Banooniga iyo salaadda mudnaanta salaadaa leh, aan joojinno
xiliga salaadda. Shaqaddda markaan ka nimaadno haddii salaad dhawdahay yaan la
seexan.
ASTURKA IYO SALAADDA
Dhalinyaraddii
waxa looga maaro la’ayahay labis aan ku haboonayn salaadda, sidda dib ka
xirashadda surweelka, iyo buumayaasha jilbaha kusiman. Waxaan saraawiisha ka
xirannaa baridda qarkeedda taasinna waxay keentaa in ay naga faydmaan marka aan
gudanayno rugniga rukuucda iyo sujuudda, dabadeenna ayaa banaanaata taasina
waxay keenaysaa in aan jabinno rugni ka mid ah arkaantii salaadda oo ah
asturnaanta. Waxaa ayaduna sidoo kale ah wax aa laga xishoon saraawiisha
kusiman/kasareeya jilbaha oo dhalinyaraddu oga daysaddaan ciyaar yahanno
qaabeeya hab labiska dhalinyaradda runtiina dhalinyaradda ka gumaysta madaxa.
Waxaa intaas sii dheer in dhalinyaraddu masaajidda la soo galaan Alle
hortiisana la istaagaan calaamadda saliibka ee Kirishtanka ah, waliba ayadoo ay
u saaran tahay dhanka bidix halka qalbiga dhalinyaradda ku beegan. Waa
adeecitaan halkii u danbaysay, waa kudayasho, hogaansanaan nuucii ugu sareeyay
e loo hogaan sanaaddo duul aan kugu diin ahayn, waa noolaynta dhaqan is laameed
e khilaafsan dhaqan kaaga, waa isxilqaan iy fidinta afkaar shisheeye wax aan
cadaab ahaynna laga dhaxli mayo cafiskii Alle waa halkiisa asaguna wuxuu u
baahan yahay sexex shardi si luguu cafiyo.
Waxaanku
talinayaa in aan la noqon qofka masaajidka u danbeeya soo gala una horbaxa,
halugu nagaaddo hana la barto cilmiga axaadiithta iyo sunaha. Shaydaanka yaan
loo hogaan sanaan, isku day in aad cabaar kitaabka furto maalinkii inta aad
rabto aqriye. Hadaad aqriso maalinkii laba aayad kugu filan waqtina kaa qaadan
mayso, maalinkaagana way noolaynaysaa, waxay ku gelinayaan labadaas aayadood
xisilooni iyo Amni stress na in uu san kugu dhicin ayaa laga yaabaa hadaad ka
sii badisana luguma heli karo.
KUDAYASHADDA
Imaamka
Imaamka
in la raaco e aan layska tukan waxaa ku ansaxaya jamcinta salaadda, kaligaa
iskama tukan kartid waana waa jib in aad Imaamka raacdo. Raacitaanka shiiqa
waxay lee dahay aadaab, waa in aad ka danbaysaa aadanna ka harin (tartiib, iyo
Tartiil). Inaad oga horayso sujuudda ama istaagga ma banaaanna, isddoo kale in
aad ka harto xoogaa ma banaanna, suurad dameer in aad yeelato ayayba dhashaa.
Waxaa jira wax maanta aan dheyel sanayno laakiin aakhiro nugu waynaan doona,
arimahaan waan samaynaa dhibna nalama lahan. Waxaan kaloo samaynaa in aan
imaamka khilaafno marka salaadda laga baxo. Tusaale waxaad salaadda imaamka ku
xiratay ayadoo labo ragco ama ragco ku dhaaftay. Siyaad u dhamays tirto waxaad
u baahan tahay in aad la timaaddo wixii ku dhaafay ka gadaal marka imaamku
gadoomo. Gadoonka imaamku waa salaama naqsiga u danbeeya maahan kan u horeeya. Sidaan
u badan nahay waxaan shiiqa ka furannaa markii uu asalaamu calaykumta u horysa
yiraahdo ma sugno tan labaad, arinkaas waa khilaaf waxaadna imaamka oga hartay
meel dhexe, waa in aad imaamka sugtaa ilaa uu dhameeyo salaama naqsiga aadna
hubisaa asalaamu calaykumta u danbaysa.
Gabangabo:
maalinka qiyaame haddii salaadaadu burto oo ay
noqoto mid aan si sax ah loo soo tukan jirin ogaaw camakaaga kale micne samayn
mayo oo waa buray asna. salaadda iyo arkaan teedda asbuuc waa lugu baran karaa
hadaanana cibaaddo kale baranayn aan salaadda hal asbuuc ku bixinno. cibaadda
iyo diinka islaamku qiyaas maahan, “ra’yigu waa hebeen mugdiya, xadiiskuna waa
maalin” salaad arkaan teedda aad cadba meelka soo koobiyaysay cibaaddo kuu
noqon mayso, barro arkaanta islaamka. Qiil ma heli kartid diinku meel kasta
ayuu yaalaa maanta. Qofkii aan sunaha alle baran qawlka eebe ma fahmin, aan
baranno sunaha iyo axaadiista. Maanta caafimaad iyo waqti ayaan haysannaa barri
maheli doonno. Wax fudud yaanan culays u yeelin. Maqaalkaan naftayda iy
naftiinuu quseeyaa dhalinyaro.
W/Q: Cabdifataax Cali
Cabdalla “Imaam”
ConversionConversion EmoticonEmoticon