Qaybta 3aad: Xayisiimaha lugu xoolo beelo ee Facebook.
3 qaab ayay dadku xayisiinta
ganacsigooda u gudbiyaan, 1) qolo page ayay facebook ka samaystaan halkaas
ayayna ku gudbiyaan, 2) qolo page qof saamayn leh ayay lacag ku bixiyaan, waxaa
jira qolo sedexaad-oo qaab iga yaabiyay u gudbiya xayisiintooda, waa dadka
idaacadaha lacagta ku siiya in xayisiintooda loogu daro wararka ay soo daayaan,
tusaale waxay kula heshiinayaan muuqaalada aad soo dhigaysaan gadaal nooga soo
galsha xayisiinta. Idaacaddu qof hadlaya ayay soo jarayaan xayisiintii
ganacsiga ayay ku daba xirayaan markaas ayay soo gelinayaan page-kooda.
Dadka page-kaas ku tixan ama uu
muuqaalkaas gaaro markii ay warka daawadaan ee ay xayisiinta la gaaro wayska
dhaafayaan-oo wayka tagayaan waayo ma jiraan wax ku qasbaya qofkaas in uu
xayisiinta ku darsado haddii uu warka dhagaystay. Qaabka nuucan ah ganacsiyada
xayisiintooda ku gudbiya ee lacagta ku bixiya meel cidlo ah ayay ku wadaan
lacagtooda, waana doorashada ugu xun ee loo doorto gudbinta xayisiinta.
Waxaa jira dad qof caan ah page-kiis
dhaha ii saar muuqaalkaan xayisiinta ah, cilladaha ay leedahay horayna waan ku
sheegay gadaalna waan ku sheegidoonaa. Qaabka kale waa in uu ganacsiga page loo
sameeyo, waa qaabka ugu wanaagsan faa’iidooyin badan ayuu leeyahay, waxaad
dooran kartaa dhagaystaha aad rabto, waxaad ogaan kartaa dadka iyo meelaha uu
gaaray, Facebook in uu xayisiin kuu sameeyo waa waxa uu u jiro.
Xayisiinta Facebook
Xaysiinta Facebook waxay u baahan
tahay aqoon iyo waayo aragnimo ku timaadda laba qaab koow in uu qofku barto oo
uu soo aqriyo casharada uu Facebook ugu talagalay dadka raba in ay xayisiin
sameeyaan iyo in uu leeyahay khibarad uu ku helay baraatig uu ku sameeyay
xayisiin, hadada isku daydo in aad isticmaasho adigoon aqoon u lahayn qasaare
badan ayaad ku galaysaa, dadna gaari maysid.
Waxaan arkay dad sameeyay xayisiin
Facebook (Facebook Campaign) oo hadaf keedu ahaa page like ama in followers la
helo, qofkaas cost per like (qiimaha qofkii page-ka like dhaha lugu goosto) waxaa loogu dhiftay $0.08, waa qiimo aad u
sarreeya, waxaan arkay sidoo kale qof page ku xiray hal mar $726 (todobo boqol
labaatan iyo lix doolar) wax yar maahan, dhammaan waxyaabahaan oo dhan waxaa
keenaya in page-kaas loo dhiibay oo xayisiin ku xir la yiri qof aysan
xirfaddiisa ahayn aqoona u lahayn.
Cost per like-gaagu waxaa la rabaa in
aysan ka badan $0.014 xitaa lama rabo meesha 4ta ah in ay 5 noqoto, sidoo kale
waxaa la rabaa, daily budget-kaagu in uusan ka badan 3 doolar, isla markaas
waxaa la rabaa in aysan xaysiintaadu socon wax ka badan 4 beri. 4 maalin ku
dhifo 3 doolar, waa 12 doolar. Waxaa la rabaa meesha uu ninkaas ka dhigay $726
in aad kadhigto $12 kaliya haduu rabo markay dhamaato xayisiintaas mar kale ha
run-gareeyo. Haddii aad baqdo daily budget-kaaga waa aadka dhigi kartaa $5
maalmaha fasaxana waa in aad ku dartaa 4ta beri ee ay xayisiintaadu soconayso
intaas hadaad ka badiso waxaa dhacaya cillad kale, gadaal ayaan ku sheegayaa.
Daily budget waa lacagta aad ugu talagashay in uu Facebook kaaga goosto 24
saacba, 4ta maalinna waa lifetime-ka xayisiintaada.
Xayisiin Facebook marka la xirayo waxaa laga xiraa laba meel, in uu qofku kor yimaado post-ga Facebook-giisa oo uu taabto meesha ay ku qoran tahay Boost iyo in uu qofku sidaasna ku xiro iyo in uu Ad manager-ka ka tago oo uu si fiican uga fara buuxsado ayay kala tahay, waxaa fiican in aad Ad manager-ka ka xirto waayo waxaad helaysaa features fara badan oo aadan marka kale hesheen. Marka aad isticmaalayso qaabka hore hadana aad mobile ka maamulayso xayisiinta, wax wayn filan maysid.
Waxaan ku talin lahaa lacagtii tirade
badneed ee dadka caanka ah pages kooda lugu bixinayay in halkaan lugu bixiyo,
qof caan ah oo magac leh isla markaasna war maalin leh ah soo daaya, waad u
wakiilan kartaa xayisiin aad ka leedahay ujeed gaar ah dhib malahan, laakiin
waxa ugu wayn aad ku tiirsan tahay page-kaaga in uu noqdo ayaa fiican.
Xayisiin aan shactaro iyo maadays
ahayn ee xirfad iyo aqoon lugu sameeyay oo mid marka hore dareenka qofka qabanaysa, haynaysa kana dhaadhicinaysa ugu danbayntana ku riixaysa in uu qaado tallaabadii aad ka rabtay in uu qaado, ka dibna page-kaaga aad dhigato wax badan ayay ka wanaagsan tahay xayisiin aad
gadaal kasoo raaciso muuqaal uu qof samaystay kaasoo haddii la rabo qof ama
beelo lugu caynayo, waa nasiib darro in aan arko ganacsiyo waa wayn oo
dhiirigelinayo in dad lacaayo ama qabiillo laysku diro.
Waxaa jira
dad waaya lacago lugu goostay wax aysan aqoon?
Ma waysaa lacago fara badan oo uu
Facebook iska goosto ama maysaga kaa taagan tahay lacagi markasta?, haday
jawaabtaadu haa tahay, hadaba waxaa kaa qaldan lifetime-ka xayisiintaada.
In ay ku gasho lacag fara badan ama
ay lacag iskaga kaa socoto waxay ka timaaddaa in aadan markii hore xayisiintaada
u yeelin waqti ay istaagto, waa iskaga kaa soconaysaa illaa uu Akoonkaagu eber
noqdo!
Markii ay eber noqoto maxaa dhacaya?
Wali waygugu socotaa lacagtii illaa la gaaro waxa loo yaqaanno threshold limit
(qiimihii aad Facebook u sheegtay in uu kaaga goosto marka ay gaarto
xayisiintaadu) tusaale horay waxaad Facebook ugu xiratay in uu Koontadadaa
Bangiga ka goosto lacagta xayisiinta markii ay gaarto 10 doolar ama 100 dooalar,
inta badan 10 doolar ayaa si asag ah (default) ugu xiran, marka haddii aysan
xayisiintaadu lahayn lifetime xadidan, waa ay iska soconaysaa, isla markaasna
Koontadaada Bangiga ayaa gawda lugu haynayaa, hadhoow ayaad maqlaysaa dadkii oo
dhan oo oranaya “lacagaa iskaga kaytaagan iyo lacagaa layga xadaa”.
Dhibaatada
haddii daily budget-ka xayisiintaada tirada laga badiyo?
Haddii aad daily budget-kaaga badiso,
waxaa dhacaysa in uu Facebook kugu badiyo cost per like-ga, meeshaan dad badan
ma wada fahmi karaan, in qoraal ugu sawiraana way adag tahay runtii, hadaan
isku dayo, Facebook xayisiintaada dadka ayuu hor dhigaa si ay like u saaraan,
dadka kuma qasbi karo in ay like saaraan page-kaaga, sidaas daraadeed waxaa
laga yaabaa in aad daily budget-kaagu badan yahay dadka 24 saac ku soo
like-gareeya oo xayisiintaada soo raacaana ay yaryihiin, Facebook lacagta uu
kaa jaranayo wuxuu u qaybinayaa dadkii page-kaaga like dhahay, marka ayadoo uu
daily budget-kaagu badan yahay in aydadka ku soo like-gareeyaa yaraadaan ayaa
laga yaabaa, markaas maxaa dhacaya, waxaa laga yaabaa in haddii laysku qaybiyo
daka ku soo like-gareeya maalinkaas iyo lacagta baxday ay isku dhigmiwaayaan oo
halkii qof ee like dhaha page-kaaga uu kugu fadhiyo $0.09 ama $0.1 waa qiimo
waali ah, maxaa la rabay in uusan ka badan $0.014.
Waxyaabaha kale oo muhimka ah ee keena in ay xayisiintaadu meel fiican gaarto waxaa ka mid ah, sawirka ama muuqaalka aad xayisiinta ku darayso, tusaale hadaad raadinayso page followers aadna sawir ku raadinayso isla markaasna sawirkaas uu yahay mid aan qurxoonayn ama uu qoraal badan dhexda kaga qoran yahay, waxaa ku galaya cost per page like fara badan waayo dad badan ma gaarayo lacagta daily budget-ka kuu ah ayaana loo qaybinayaa dadkii follow soo dhahay page kaaga.
Waxaan kuu xaqiijinayaa arintaan aan ka sheekaynayno in ay tahay mid lugu fahmi karo aqris iyo baraatik oo ay adag tahay in aad qoraalkayga ku fahanto laakiin waxaan doonayaa in uu qoraalkaygu dareen ku geliyo.
Waxaan oo dhan waxay imaanayaan
markii qof aan qoon u lahayn xayisiinta Facebook maamulo ama run-gareeyo,
markii hore xayisiinta qoristeeda iyo soo saaristeeda ayaa qaldaneed markii xigtayna
Facebook ayaa layska saaray isla markaasna aqoon darro ayaa lagac loogu xiray,
natiijo aadan mahdin ayaa kaaga soo noqonaysa.
Facebook-gaaga qofka kuu
maamaamulayaa waa in uu ahaadaa qof is joogta ah u la socda isbedelada ka
dhacaya platform-yada Meta waayo is joogta ah ama asbuucle ah ayaa wax looga
badalaa oo aqoontii hore xitaa kuguma filna.
Soomaalidu Facebook ayay si aan caadi
ahayn u isticmaashaa waxaana jooga dhagaystayaal aad u fara badan, Facebook waa
platform lays ganaaxo, lays ciqaabo layskana xiro waliba marka ay joogto
xayisiin in la run-gareeyo, qormada 4aad ee tan xigta ayaan uga hadli doonaa.
Lasoco qaybaha xiga, wali waxyaabaha
muhimka ah ee aanan ka hadlin waxaa ka mid ah sida loo sameeyo xayisiin aan
shactaro ahayn sida Soomaalidu caadaysatay ee kooban, cad, lafahmi karo isla
markaasna dareenka qofka qabsanaysa. Waxbadna kama aqoonno laakiin intii aan
aqaanay ayaa la qaldaa wxaanan isku dayidoonaa in aan iftiimiyo.
Qaybtii 2aad
https://calicabdalla.blogspot.com/2022/10/facebook-pages-ka-ganacsigaaga-si-sax.html
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon