Xamdi waxa lugu sameeyay dil iyo kufsi un maahan, sidoo kale waxa lugu sameeyayna kaligeed luguma samayn, yaanan anaku kala inkirin waxa danbiilayaashu galeen.
Haddii aanan Xamdi Maxamed Faarax waxba la tarayn yaanan
kala inkirin wixii ku dhacay, waxaan arkay dad si qaldan u tebinaya ugana
waramaya falalkii wajiyada badnaa ee ku dhacay Xamdi.
Diinku wuxuu ilaaliyaa Sharafka, Caqliga, Diinka, Maalka iyo
Dhiiga qofka Muslimka ah, bal u fiirso waxa u babadbaaday Xamdi inta aan soo
sheegnay!!!!.
Waxaa lugu sameeyay oo is kugu darsamay Xamdi;
- Khiyaano,
- Afduub,
- Handadaad
- Jirdil,
- Maandoorin,
- Kufsi wadareed,
- Ku xad gudub sharafkeed,
- Daadin dhiig,
- Dil dhammaystiran oo silac ah,
- Dhac hantiyeed iyo
- Suurad xumayn.
Xamdi waxaa kufsaday rag farabadan sida la cadeeyay. Xamdi
raali kama noqon karin in ay u galmoodaan rag aan u bannaanayn sidaas daraadeed
waxaa iska cad in la handaday lana jujuubay si loogu dirqiyo maandooriye
suuragelinaya in aan la maqlin qayladeeda iyo shanqarteeda, loona dareemin
joogitaankeeda goobta dunuubtaan aan soo sheegnay ka dhacday. Haddii aan
maandooriye la siin gabadha luguma hayn karin goobta waayo afkeeda lama waardiyayn
karin waqtiga dheer ee ay goobta joogtay. Cid cadaysay ma jirto laakiin waa
sida aan qiyaasayo caqliguna sheegayo.
Xamid markii ay gashay goobta faldanbiyeedku ka dhicilahaa
ee ay ku aragtay wax ka badan ciddii ay aheed in ay meesha ku aragto shaki kuma
jiro in aysan raali ku ahayn joogitaanka goobta, sidoo kale shaki kuma jiro in
ay horayba ka qiyaastay in ay jiraan waxay aysan u tooghayn, sidaasna waxaa
lagama maarmaan ku noqonaya aftuud.
Xamdi cayr maahayn wax wadatay sida la sheegay laba moobayl,
ma aanan arkin cid dhahaysa wixii ay wadatay oo maal ahaa waa la helay, dabcan
waxay ku maqanyihiin danbiilayaashii galay danbiga Xamdi Lugula kacay.
Xamdi waxaa laga tuuray Dabaq dhawr biyaano ah, qofku hadduu
halkaas oo kale ka soo dhacana in uu jajabayo oo uu kala baqayo ama madaxa iyo
calooshu qarxayaan waa shaki la’. Arrintaani waa suurad xumayn tii ugu darneed.
Waxaa xusid mudan Xamdi waxaa lugu tuuri rabay luuq u dhexeeyay Dabaqa laga
tuuray iyo Guri ay ku dul dhacday, u fiirso haddii ay luuqa ku dhiqi laheed,
halkaas ayaa eeyuha iyo bisaduhu ku cuni lahaayeen ayna ku uri leheed, waa
suurad xumayn daran.
Xamdi Waxaa ku xadgudbay sida la sheegay 2 nin waxaana
muuqata in aysan xammili karin oo ay ku dhaawacmi karto gacan-qaadkooda illaa
dhiigeedu qubto.
Hadaba anakoo uurka ku hayna waxaas aan soo tixay oo ay gabadha
u gaysteen wuxuushtu, ayaka muxuu noqondoonaa abaalmarintoodu? Ma waxa ay ku
sameeyeen ayaa lugu samayn doonaa mise qaar ayaa loo dhaafi doonaa?. Waa su’aal
u baahan jawaab!!!!!.
Waxa gabadhaas lugu sameeyay ayada dhibaato tii ugu darneed
ayay ku eheed, anakana waxay nugu tahay duris la durayo binu’aadamnimadeena
maadaaba ay nugu jiraan dad nuucaan oo kale ah waxna aanan ka qabanayn oo aan
difaacayno waliba, Dumarka Soomaaliyeedna waxay ku tahay argagax gelin iyo
cabsiin. Hay’adaha cadaaladda iyo danbi baarista dalkana waxay ku noqon doontaa
caay iyo fadeexad, haday si sax ah wax uga qaban, waxaan oo dhan waxaa go’aan
ka gaaraya sida looga jawaabo falkaan. Haddii kuwii gaystay lugu abaal mariyo
nolol iyo farxad waa murugo iyo gef.
Xamdi qolada qalatay falkooda bahalnimada ah markii laga
tago, waxaa iiga muuqda nacayb guun ah oo xididaystay, waaxanan is iri malaha
waxaa la doonayey in aanan waligeen illoobin falkaan. U fiirso, markii falfal
xumada lugu la kacay, naftaa laga jaray, intaas waa ku samriwaayeen, waxay garteen
in ay tuuraan, oo ku tuuraan dhagaxa iyo shamiintada ka hoosaysa dabaqa.
Kuweena qaldan haddii aan la qaban waan wada halaagsamayna,
waa in aan gacanta qabanno dadka dumarka sida xun u la dhaqmaya. Waxa nuucaan
oo kae ah haddii aanan ka jawaabin waxaa imaanaysa in cid kastaa ku dhiirato,
haddii qofku ogaado in uusan ku badbaadyan falalka nuucaan ah wuu ka
joogsanayaa.
Xamdi maxaan ka yeelidoonnaa?.
W/Q: Cabdifataax Cali Cabdalla
https://www.facebook.com/cabdew/
https://twitter.com/Cabdew
ConversionConversion EmoticonEmoticon